RYNO VELVET ONTHUL HARTROERENDE ENKELSNIT “HOOR JOU” WAT DIE WAARDE VAN INTIEME OOMBLIKKE MET ONS NAASTE VIER.

Ryno Velvet se nuwe enkelsnit, “Hoor Jou”, beskikbaar op alle digitale platforms vanaf 13 Oktober 2023

Ryno Velvet, die talentvolle Suid-Afrikaanse sanger en liedjieskrywer, is verheug om sy derde enkelsnit van 2023 bekend te stel. Na die sukses van sy vorige treffers, “Volkswagen Bussie” en “Altyd Daar”, tree Ryno op die voorgrond met sy nuutste enelsnit, “Hoor Jou”.

“Hoor Jou” is ‘n lied wat diep uit Ryno se hart kom en ‘n persoonlike betekenis vir hom het. Dit is geïnspireer deur die verhouding wat ons op ‘n daaglikse basis met ons naaste het. Ryno glo dat daar ‘n tipe grysstof is wat ons na aan mekaar hou, en hy het dit as ‘n narratief gekies om oor te skryf.

Vir Ryno is elke lied spesiaal en maak deel uit van ‘n hoofstuk in sy kreatiewe lewe en musiekloopbaan. “Hoor Jou” is geen uitsondering nie en hy hou dit naby aan sy hart.

Die lied beteken baie vir Ryno, veral omdat dit deel uitmaak van sy opkomende album “Heelal” waarop hy baie trots is. Dit neem ‘n spesiale plek in op die Ryno Velvet-katalogus, wat hy voel goed verdien is.

Die boodskap wat Ryno graag wil oordra aan die publiek deur “Hoor Jou” is om die klein oomblikke in die lewe te waardeer en te koester. In ‘n haastige en vinnige samelewing is dit vir hom belangrik dat ons af en toe asem skep, observeer en tyd maak vir die mense in ons binnekring, asook vir onsself. Die lewe wil geleef word.

Om die vrystelling van “Hoor Jou” te vier, sal die musiekvideo vir die lied ook op 13 Oktober op die Vonk Musiek YouTube-kanaal uitgereik word. Die musiekvideo sal die essensie van die lied vasvang en ‘n visuele vertolking bied van die boodskap en emosie daarvan.

“Ryno Velvet se “Hoor Jou” is ‘n lied wat diep uit die hart kom en ‘n universele boodskap van die waarde van die klein oomblikke in die lewe dra. Moenie die vrystelling op 13 Oktober misloop nie – dit sal beskikbaar wees op alle digitale platforms. Besoek ook die Vonk Musiek YouTube-kanaal om die musiekvideo te sien.

Geniet die enkelsnit en musiekvideo op die platform van jou keuse – https://linktr.ee/rynovelvet

RYNO VELVET SOSIALE MEDIA:

Facebook: https://www.facebook.com/velvetryno

TikTok: https://www.tiktok.com/@rynovelvet

Instagram: https://www.instagram.com/rynovelvet/?hl=en

PUBLISITEIT & BEMARKING:

Vonk Musiek