ADAM SIT “MAGIC IN DIE MEEL” MET HULLE NUUTSTE SOKKIE TREFFER:

ADAM, een van Suid-Afrika se mees geliefde musiekgroepe, is verheug om hul nuwe enkelsnit, “Magic in die meel”, vry te stel. Hierdie treffer gaan vanaf 1 November 2024 op alle digitale platforms beskikbaar wees en sal ook met ‘n musiekvideo geloots word op Vonk Musiek se YouTube kanaal.

“Magic in die meel” is ‘n unieke en innoverende bydrae tot die musiekbedryf. Hul inspirasie het gekom van alle Suid-Afrikaners wat lief is vir sokkie en enige dansvloer in ‘n sokkie vloer kan omskep deur net meel te gooi! Meel op die dansvloer is eie aan die Afrikaanse kultuur en dis baie spesiaal omdat jy dit nêrens anders in die wêreld kry nie. Daarom het ons gedink dit is ‘n goeie idee om ‘n liedjie te skryf oor hoekom die meel op die dansvloer so “magical” is.

Die lede van ADAM, Hugo Ludik, Christoff de Beer en Nic Jordaan wat onlangs aangesluit het, is opgewonde oor hierdie nuwe vrystelling en glo die klank van die enkelsnit sal mense herinner aan die ADAM waarop almal al hulle heupe geswaai het. Die liedjie is geskryf deur Nic Jordaan en Hugo Ludik en is vervaardig deur Muse Studios. Die opname was gedoen deur ‘n ou bekende wat die ADAM klank al bemeester het, Robin Keiley.

Die musiek video word geloots op Vonk Musiek se YouTube kanaal. Hierdie video sal lekker dans passies bevat en lirieke wys sodat die wat nie dans nie dit kan saam sing. Ons nooi almal uit om op 1 November 2024 na die nuwe enkelsnit, “Magic in die meel”, te luister. Dit is ‘n geleentheid om deel te wees van die hernude ADAM beweging wat Suid Afrika gaan oorneem! Geniet die enkelsnit en musiekvideo op die platform van jou keuse – https://vyd.co/MagicInDieMeel