Armand Steenkamp – Vriend | ARMAND STEENKAMP LEWER ‘N HARTROERENDE HULDEBLYK AAN WARE VRIENDSKAPArmand Steenkamp – Vriend

Armand Steenkamp se nuutste enkelsnit, genaamd “Vriend,” is ‘n betekenisvolle huldeblyk aan vriendskap en die waarde daarvan. Hierdie lied is die derde enkelsnit wat Armand in 2023 uitreik, en dit volg op sy suksesvolle treffers “Diepsteek en Lankle” en “Johanna Van Saldanha,” wat gesamentlik al meer as 1,3 miljoen kykbeurte op YouTube gehad het.

Armand Steenkamp staan bekend vir sy unieke benadering tot musiek, en “Vriend” is geen uitsondering nie. Die lied het ‘n ernstige aanslag teenoor sy tong-in-die-kies styl wat kenmerkend is van sy musiek. Hierdie keer het Armand homself laat inspireer deur sy vriende Kierrie, Jan Gun, en Patrys van Niekerk, wat ‘n besondere plek in sy hart inneem. Alhoewel nie almal van hulle meer met ons is nie, het Armand hierdie geleentheid aangegryp om hulle te eer en iets op te dra aan die vriendskap wat hulle met hom gedeel het.

Armand Steenkamp glo dat die lewe kort is en dat dit belangrik is om jou vriende te koester en te waardeer. Hy hoop dat “Vriend” ander sal inspireer om meer herinneringe op te bou met hulle vriende en om die waarde van ware vriendskap te besef. Die lied het ‘n meer komeersiele pop-rock klank en kan selfs beskou word as ‘n unieke mengsel van genres, insluitend “country.”

“Vriend” sal op 15 September beskikbaar wees op alle digitale platforms, en die musiekvideo sal op dieselfde dag om 7 uur in die aand op Vonk Musiek se YouTube-kanaal te sien wees. Armand Steenkamp nooi almal uit om hierdie nuwe enkelsnit te geniet en saam met hom die betekenis van vriendskap te vier.

Geniet die enkelsnit op die platform van jou keuse – niet die musiekvideo hier –