WILLIAM WOLF EN ZOé – SOMER

VIER ‘SOMER’ SAAM MET ONS – DIE LIEDJIE WAT JOU SIEL SAL VERLIG EN JOU SOMERPRET SAL VERHOOG!

William Wolf en Zoé se nuutste enkelsnit “Somer” bring ‘n heerlike vakansieklank na jou musiekversameling

William Wolf en Zoé is verheug om hul nuutste enkelsnit, “Somer”, aan te kondig wat op 10 November 2023 op alle digitale platforms beskikbaar sal wees, sowel as die musiekvideo.

“Somer” is ‘n goed-voel liedjie wat jou sal laat vergeet van alles wat sleg is en jou in die vakansiegees dompel. Dit is die perfekte byvoeging tot jou somervakansie-speellys en sal jou laat dans en saamsing.

William Wolf, het sy perspektief gedeel oor die inspirasie en betekenis van “Somer”. Hy sê: “Ons wou ‘n goed-voel liedjie skryf, ‘n liedjie wat mens laat vergeet van alles wat sleg is. Ek is opgewonde, ek dink die song gaan vir die eerste keer die kans kry om rerig sy volle potensiaal te bereik. Die proses om die liedjie te skryf was vinnig en baie opwindend ons het eers die rowwe backing track gehad waarvan ons gehou het en toe besluit waaroor die liedjie moet gaan daarna het ons met konsepte begin werk en somer was gebore.”

Zoé, die ander talent agter “Somer”, deel ook haar opwinding oor die liedjie en die geleentheid om saam met William te werk. Sy sê: “Ek is vreeslik opgewonde oor die liedjie! Dit is so lekker om saam William te kon werk. Dit het ‘n baie opgewekte gevoel en dit beteken so baie vir my dat William hierdie liedjie saam my wou opneem. Hierdie is die heel eerste liedjie wat ek sing waar ek glad nie deel was van die skryfproses nie.”

Die boodskap wat William en Zoé graag wil oordra aan die publiek deur “Somer” is eenvoudig: “almal moet net bietjieontspan en asem haal, ‘Vergeet van more dink aan hoe jy nou voel’.” Zoé voeg daaraan toe: “Ek wil net baie graag hê die publiek moet net ‘n bietjie wil dans en saamsing as die liedjie opkom! Ek hoop almal het ‘n fantastiese somer!”

“Somer” is ‘n liedjie wat jou sal laat glimlag, dans en jou in die somerstemming sal bring. Moet dit nie misloop wanneer dit op 10 November 2023 op alle digitale platforms beskikbaar gestel word nie. Besoek William Wolf en Zoé se sosiale mediaplatforms vir meer inligting en om op hoogte te bly van hul musiek.

Geniet die enkelsnit op die platform van jou keuse – https://linktr.ee/zoemusiek / https://linktr.ee/williamwolf

SOSIALE MEDIA – WILLIAM WOLF

Facebook: https://www.facebook.com/ItsWilliamWolf

TikTok: https://www.tiktok.com/@itswilliamwolf

Instagram: https://www.instagram.com/itswilliamwolf/?hl=en

SOSIALE MEDIA – ZOé

Facebook: https://www.facebook.com/zoe.jacobs.71

TikTok: https://www.tiktok.com/@zoe_musiek

Instagram: https://www.instagram.com/p/CzTsX0eoicr/

PUBLISITEIT & BEMARKING:

Vonk Musiek