ZAAN SONNEKUS GEE VIR ONS ‘TERAPIE VIR NOU’

Zaan Sonnekus se nuutste enkelsnit ‘Terapie Vir Nou’ tref die luggolwe, met ‘n digitale vrystelling op 24 November 2023 op alle musiekplatforms. Hierdie aangrypende lied, wat diep persoonlike temas aanraak, beloof om luisteraars te gryp en ‘n diep impak te maak.

Zaan Sonnekus deel die inspirasie agter ‘Terapie Vir Nou’, hy gesels oor die terapeutiese uitwerking wat skryf vir hom het en die uitdagings wat dit vir hom meebring. Veral omdat hy met elke nuwe liedjie nog ‘n dieper stuk van homself ontbloot en ‘Terapie Vir Nou’ is geen uitsondering nie. Hy beskryf die lied as ‘n ballade met ‘n ‘punk’/’rock’ musiekstyl en ‘n ‘pop’ element, wat die diepte van die lirieke en komposisie beklemtoon.

Die lied dra die stempel van persoonlike terapie vir Zaan, wat sy eie stryd en emosies weerspieël. Zaan gaan verder aan om te sê: “Dit is uiters aangrypend om te sien hoe herstellend my musiek vir ander mense is, maar vir my is dit ook, ek skryf oor dinge wat my pla, beweeg, of seermaak. ‘Terapie Vir Nou’ gaan oor hoe terapeuties dit vir my is om te skryf wanneer ek die storms moet bedwing”.

Hy het die proses van die skryf en komponeer van die lied as baie persoonlik beskryf, en het die orkes betrek om sy visie te versterk. Die finale produksie is deur Tertius Human van Coolerbox Studios afgehandel, wat die lied tot lewe gebring het.

“Terapie Vir Nou” is ‘n uitnodiging vir luisteraars om hul eie vorme van terapie en hertel in die musiek te vind, en om die dieper boodskap te ontgin. Zaan hoop dat sy musiek ‘n unieke ervaring vir sy gehoor sal wees, dat hulle ‘n gedeelde verbintenis daarmee sal vind en dat hulle altyd sal soek na die dinge wat terapie is vir die nou.

Die musiekvideo vir ‘Terapie Vir Nou’ is ook, 24 November 2023 uitgereik. Laai “Terapie Vir Nou” af en ontdek die terapeutiese krag van Zaan Sonnekus se musiek.

Geniet die enkelsnit op die platform van jou keuse – https://linktr.ee/zaansonnekus

SOSIALE MEDIA – ZAAN SONNEKUS

Facebook: https://www.facebook.com/ZaanSonnekus.music

Instagram: https://www.instagram.com/zaan_sonnekus/

TikTok: https://www.tiktok.com/@zaan_sonnekus

PUBLISITEIT & BEMARKING:

Vonk Musiek